Prajñopāyaviniścayasiddhiḥ |
prathamaḥ paricchedaḥ |
namaḥ śrīvajrasattvāya |
yatrā bhūtasamastakalpapaṭalāliptaṃ
svabhāvāmalaṃ
bauddhaṃ dharma śarīramapratisamaṃ saddharmavṛddhyā
spadam |
sambhogaṃ ca vicitrarūparacitaṃ sannirmitaṃ
jāyate
prajñopāyamayaṃ praṇāmya tadalaṃ caitat
tadevīcyate ||1||
śrīmatānaṅga vajjreṇa saṃkṣepāt tattvato mayā |
ajñātatatsva rūpāṇāṃ hitāyāśeṣajanminām ||2||
abhūtakalpasambhūto bhāva saṅkalpanātmakaḥ |
bhavaḥ sa eva cākhyāto bālavyāmohako budhaiḥ||3||
tataḥ prajāyaṃte'śeṣakleśarāśiḥ suduḥsahaḥ |
asakṛdvividhaṃ caiva mahatkarmakadambakam | ||4||
tābhyāṃ ca maraṇotpādaprabhṛtyātyantavistaram |
ajasraṃ jāyate duḥkhamaśradvā saktacetasāmn||5||
yāvad bhāvamahāgrāho bhavacārakavarttinām |
prajñāhīnatayā tāvat sva[hitaṃ] parahitaṃ na ca ||6||
atastrijagadānandaṃ karttukāmaissvavibhramam |
irtukāmaiśca santyājyo [bhāva]grāho manīṣibhiḥ ||7||
bhāvaṃgrāhaṃ parityajya nābhāvaṃ kalpayed budhaḥ |
yadi nāmānayorbhedaḥ kalpanā naiva bhidyate ||8||
varaṃ hi bhāvasaṅkalpo na tvabhāvaprakalpanā |
nirvāti jvalito dīpo nirvṛtaḥ kāṃ gatiṃ vrajet ||9||
yāvad bhāvasya saṅkalpastāvad bhāvo hi lakṣyate |
na hyādirahitasyeha vyomno nidhanasambhavaḥ ||10||
abhāvamātrasādhyo 'pi upāyarahito na ca |
svaparārthāsamartho'sau abhāvatvāt khapuṣpavat ||11||
evaṃ bhāvaḥ parityājyo bhrāntatvādindra jālavat |
abhāvatvādabhāvaśca buddhatvaphalavāñchibhiḥ ||12||
yathānayoḥ parityāge [saṃkṣayo] yadvasthitaḥ |
asaṃsāramanirvāṇamadhunā śrūyatāṃ budhāḥ ||13||
parāmarṣaṇadhogena dharmāṇāṃ niḥsvabhāvatā |
jñānajñeyavibhāgena prajñātattvaṃ taducyate ||14||
rabja tyaśeṣaduḥkhaughānutthāṃstu duḥkhahetutaḥ |
sarvasattvān yatastasmāt kṛpā rāgaḥ pragīyate ||15||
upānayatyabhimataṃ yannaukevā nukūlataḥ |
sadānukūlayogena saivopāyaḥ prakīrttitaḥ ||16||
ubhayormelanaṃ yacca salilakṣīrayoriva |
advayākārayogena prajñopāyaḥ sa ucyate ||17||
prakṣeptuṃ cāpanetuṃ ca śakyate yatra naiva hi |
prakṣepāya ca yaduktaṃ dharmatattvaṃ taducyate ||18||
grāhyagrāhakasantyaktaṃ sadasatpaṅkavarjitam |
lakṣyalakṣaṇanirmuktaṃ śuddhaṃ prakṛtinirmalam ||19||
na dvayaṃ nādvayaṃ śāntaṃ śivaṃ sarvatra saṃsthitam |
pratyātmavedyamacalaṃ prajñopāyamanākulam ||20||
tadeva sarvabuddhānāmālayaṃ paramādbhutam |
śreyaḥsampatkaraṃ divyaṃ dharmadhātu prakīrttitam ||21||
apratiṣṭhitanirvāṇaṃ tryadhva sambuddhasevitam |
svādhiṣṭhānapadaṃ ramyaṃ prajñāpāramitāśivam ||22||
kāyatrayaṃ triyānaṃ ca asaṅkhyā mantrakoṭayaḥ |
mudrāmaṇḍalacakraṃ ca kaulikaṃ tadanuttaram ||23||
sarve vinirgatāstasmād devadaityendramānavāḥ |
pretādayastathā cāndhe nirudhyante ca tatra hi ||24||
cintāmaṇirivāśeṣajagataḥ sarvadā sthitaḥ |
bhuktimuktipadaṃ samyak prajñopāyasvarūpataḥ ||25||
idameva samāgamya mambudvāḥ sugatāḥ purā |
sambuddhyante ca sarvatra sambhotsyante jagadvitāḥ ||26||
anantasukharūpatvāt śrīmahāsukhamaṃjitam |
samantabhadramagyaṃ tadabhisambodhikārakam ||27||
trijagadakhiladuḥkhadhvaṃsanaikapravṛtteḥ
anupamakruṇāyāḥ saṅgamuktāgrabuddheḥ |
aparimitavicitrajñeyarāśeḥ samatvaṃ
svaparaparasukhāṅgaṃ tattvamūcurmunīndrāḥ ||28||
iti prajñopāyaviniścayasiddho prajñopāyavipañco nāma
prathamaḥ paricchedaḥ |
dvitīyaḥ paricchedaḥ |
athātaḥ kathyate kiñcit tattvaratnasya labdhaye |
hitāya bhavadurbhedabhrāntibyāmohitātmanām ||1||
upāyaḥ pūrva sambuddhairyathoddiṣṭaḥ samāsataḥ |
śrīmatānaṅgavajreṇa karuṇāviṣṭacetasā ||2||
idaṃ taditi tadvaktuṃ naiva śakyaṃ jinairapi |
pratyātmavedyarūpatvād bāhyārthe na ca gṛhyate ||3||
tathā ca tryadhvasambuddhairjagadānandakārakaiḥ |
ākhyātaṃ naiva sūtrāntamantracaryādiṣu kramāt ||4||
śrutādijñānagamyaṃ tanna bhaved vai kadācana |
śabdārthayorasambandhāt śāstralakṣaṇasūcakam ||5||
ata eva sadā''saktyā yuktaṃ sadgurusevanam |
na ca tena vinā tattvaṃ prāpyate kalpakoṭibhiḥ ||6||
aprāpte tattvaratne tu siddhirnaiva kadācana |
suviśuddhe'pi satkṣetre bījābhāvād yathāṅkuraḥ ||7||
sāmnā yāḥ santi ye kecit prajñopāyārthadeśakāḥ |
cintāmaṇirivādbhutā nirvikalpapatha sthitāḥ ||8||
tattvenaiva parijñāya ācāryān vasudhātale |
tānupāsita yatnena ātmasiddhyagrahetave ||9||
anantabodhisatsaukhyaṃ prāpyate yasya tejasā |
śreṣṭhatvaṃ sarvabhūtānāṃ trailokye sacarācare ||10||
tat kimarthaṃ kṛpāmūrttau tatrākāraṇavatsale |
māyāmalinacetībhirḍhaukayanti durāśayāḥ ||11||
asatpraṇāmasatkārairddaḍhaṃ copāsya sadgurum |
kṣīrādidānapūjābhirāyuryāvat samīhite ||12||
samprāpte tattvaratne tu srvabuddhaguṇālaye |
vārttāmapi na pṛcchanti chidrājveṣaṇadāruṇāḥ ||13||
tathā'nye'pi durātmāno ḍhaukante guruvajviṇam |
viheṭhayanti cātmānamātmanaiva durāśayāḥ ||14||
haraṇe gurumudrāyā ratnatrayadharasya ca |
nirvikalpāḥ pratikṣepyā dharmatāyāśca yoginaḥ ||15||
uktāḥ śrīvajranāthena samaye tu mahādbhute |
jugupsābuddhayo nityaṃ svamātṛtrāsakāriṇaḥ ||16||
upāsyeka guruṃ pūrvaṃ nānugṛhṇāti māmiti |
āśrayantyaparaṃ duṣṭāstaddoṣakathanotsukāḥ ||17||
yogitā''cāryasaṃjñā ca kathamasmākamastvati |
etanmātrapravṛttāste buddhatvaṃ prati nārthinaḥ ||18||
kathañcit prāpya tad jñānaṃ manyante na guruṃ purā |
jñātāro vayamityāhurmattaḥ kecinna cāpare ||19||
anye ca kupitāḥ prāhuḥ gṛhṇa tvaṃ yat samarpitam |
ahaṃ na tava śiṣā'smi na bhavān sāmprataṃ guruḥ ||20||
kutasteṣāṃ bhavet siddhiḥ saukhyaṃ caiveha janmani |
guruvañcanacittā ye te bhramanti viḍambitāḥ ||21||
evambidhāśca ye sattvāḥ svārthasampahahirmukhāḥ |
uktāḥ śrīvajranāthena sarve te'pāya bhājanāḥ ||22||
na teṣāṃ narakādanyā gatirastyātmaviddiṣām |
pacyante ghorakarmāṇo duḥkharbahuvidhairmṛśam ||23||
ata eva sadā sadbhiranantaphaladāyakaḥ |
ācāryaḥ sarvabhāvena ātmaśreyo'rthavāñchibhiḥ ||24||
īrṣyāmātsaryamutsṛjya mānāhaṅkārameva ca |
māyāsādhyaṃ tathāpāsya sambodhau kṛtaniścayaiḥ ||25||
sadā [parahita] syaiva caryayā'kampyacetasā |
paryupāsyo jagannātho guruḥ sarvārthasiddhidaḥ ||26||
svakāryanirapekṣeṇa pūjāmaṇḍalapūrvakaiḥ |
triṣkālaṃ parayā bhaktyā śirasā pādavandanaiḥ ||27||
prāpnuvanti tato'vighnaṃ gurupādaprasādataḥ |
śiṣyāstu paramaṃ tattvaṃ tryadhvabuddhairyathoditam ||28||
nityaṃ prabhāsvaraṃ śuddhaṃ bodhicittaṃ jinālayam |
sarvadharmamayaṃ divyaṃ nikhilāspadakāraṇam ||29||
dhvastasāndrāndhakārasya sannidhānād vivasvataḥ |
dhagiti prajvalatyucceḥ sūryakāntimaṇiryathā ||30||
sannidhānāt jagaddṛṣṭestattvayogakharārciṣaḥ |
jvalatyastamaladhvāntaśiṣyacetomaṇistathā ||31||
prabodhānantaraṃ śrīmān tattvaratnapradīpitaḥ |
daśadik saṃsthitairbuddhaiḥ kāruṇayākṣiptamānasauḥ ||32||
tūrṇamāgatya sambuddhaiḥ śiṣyo'dhiṣṭhaīyate dhruvam |
adhiṣṭhānācca buddhānāṃ sarvabuddhasamo bhavet ||33||
mānaṃ [spardvāṃ] kapaṭapaṭalaṃ sarvamutsṛjya dhīraiḥ
yaiḥ sāmnāyo gururamamayā śraddhayā sevyate'tra |
agrāḥ prāptāḥ sakalasugatāḥ yat samāsādya bodhiṃ
nūnaṃ tattai rjinaguṇapadaṃ prāpyate tattvaratnam ||34||
iti prajñopāyaviniścayasiddhauvajrācāryārādhananirdeśo
nāma dvitīyaḥ paricchedaḥ |
tṛtīyaḥ paricchedaḥ |
athātaḥ kathyate samyak vajrasattvapadārthinām |
sādhakānāṃ hitārthāyābhiṣekaṃ tribhavāspadam ||1||
mantramārgānusāreṇa abhiṣikto yadā budhaḥ |
pratyakṣaṃ sarvabuddhānāṃ maṇḍale sugatālaye ||2||
anantalokadhātvīśo grāhyastathāpi dhīmatā |
svādhiṣṭhānakramaṃ prāpya samayakṣatibhīruṇā ||3||
mantramārge tathā coktaṃ sambuddhaiḥ paramārthataḥ |
vajrasattvādidevānāṃ samayo duratikramaḥ ||4||
athātaḥ sarvayatnenābhiṣekārthaṃ jinātmajaḥ |
upasarpya yathāyogaṃ vajrācāryaguṇodadhim ||5||
navayauvanasampannāṃ prāpya mudrāṃ sulocanām |
srakcandanasuvastrādyairbhūpayitvā nibedayet ||6||
gandhamālyādisatkāraiḥ kṣīrapūjādivistaraiḥ |
bhaktyā sampūjya yatnena mudrayā saha nāyakam ||7||
śiṣyo bhūmau samāropya śradvayā jānumaṇḍalam |
adhyeṣayīta śāstraṃ stotreṇānena māñjaliḥ ||8||
namaste śrūnyatāgarbha sarvasaṅkalpavarjita |
sarvajña jñānasandoha jñānamūrtte namo'stu te ||9||
jagadajñānavicchediśuddhatattvārthadeśaka |
dharmanairātmyasambhūta vajrasattva namo'stu te ||10||
sambuddhā bodhisattvāśca [tvattaḥ] pāramitāguṇāḥ |
sambhavanti sadā nātha bodhicitta namo'stu te ||11||
ratnatrayaṃ mahāyānaṃ tvattaḥ sthāvarajaṅgamam |
caidhātukamidaṃ sarvaṃ jagaddīra namo'stu te ||12||
cintāmaṇirivādbhuta jagadiṣṭārthasiddhaye |
sugatājñākara śrīman buddhaputra namo'stu te ||13||
jñātaṃ me'nuttaraṃ tattvaṃ prasādāt te guṇārṇava |
vajrābhiṣekaṃ sarvajña prasādaṃ kuru sāmpratam ||14||
rahasyaṃ sarvabuddhānāṃ darśitaṃ dharmavajriṇā |
yathā śrīcittavajreṇa tathā nātha prasīda me ||15||
bhavatpādāmbuje tyaktvā nānyā me vidyate gatiḥ |
tasmāt kuru dayānātha saṃsāragatinirjita ||16||
vajrācāryastataḥ śrīmān sānukampo hitāśayaḥ |
samutpādya kṛpāṃ śiṣyaṃ āhuya gaṇamaṇḍale ||17||
pañcakāmaguṇākīrṇe vitānavitatojjvale |
yoginīyogasaṃyukte ghaṇṭākaṇakaṇasvane ||18||
puṣpadhūpākule ramye sraksurāmodasatsukhe |
vajrasattvādidevānāmālaye paramādbhute ||19||
mudrāyogaṃ tataḥ kṛtvā ācāryaḥ subhagottamaḥ |
niveśya padmabhāṇḍe tu bodhicittaṃ jinālaye ||20||
ucchritaiścāmaraiḥ chatrairgāthāmaṅgalagītibhiḥ |
mudrāyuktaṃ tataḥ śiṣyamabhiṣiñcet jagatprabhuḥ ||21||
dattvā'bhiṣekaṃ sadratnamācāryaḥ parameśvaraḥ |
dadyād vai samayaṃ ramyaṃ divyaṃ prakṛtinirmalam ||22||
mahāratnaṃ sakarpūraṃ raktacandanayojitam |
kuliśāmbusamāyukta pañcamaṃ vāksamudbhavam ||23||
idaṃ te samayaṃ vatsa pūrvabuddhairudāhṛtam |
pālayasva sadā bhadra saṃvaraṃ śṛṇu sāmpratam ||24||
nahi prāṇibadhaḥ kāryaḥ triratnaṃ mā parityaja |
ācāryaste na santyājyaḥ saṃvaro duratikramaḥ ||25||
bodhicittābhiṣi[ktāya] śiṣyāya vigatainase |
anujñāṃ ca tato dadyāt tasmai buddhāgrasūnave ||26||
ābodhimaṇḍaparyantaṃ diśi cakre samantataḥ |
pravarttayasva sattvāgra dharmacakramanuttaram ||27||
prajñopāyasvarūpātmā cintāmaṇirivocyate |
akhinno vigatāsaṅgaḥ sattvārthaṃ kuru sāmpratam ||28||
prāptābhiṣekaḥ sānujñaḥ kṛtakṛtyaḥ praharṣitaḥ |
vadet sumadhurāṃ vāṇauṃ jagadānandakāriṇīm ||29||
adya me saphalaṃ janma saphalaṃ jīvitaṃ ca me |
adya buddhakule jāto buddhaputro'si sāmpratam ||30||
kalpārṇavānmahāghorājjanmavīcisamākulāt |
tārito'haṃ tvayā nātha kleśapaṅka sudustarāt ||31||
niṣpannamiva cātmānaṃ jāne yuṣmatprasādataḥ |
bodhaye na ca me kāṅkṣā prahīṇāḥ sarvavāsanāḥ ||32||
nipatya pādayorbhaktyā prahṛṣṭotphullalocanaḥ |
yad yadiṣṭataraṃ dravyaṃ tat tadeva nivedayet ||33||
niravagrahacittena guruṇā'pi kṛpālunā |
śiṣyasyāgrahanāśāya grāhyaṃ tasya hitāya ca ||34||
tataḥ praṇamya sampūjya dattvā ca gurudakṣiṇām |
evaṃ vijñāpayed bhūyaḥ samprāptābhimatāspadaḥ ||35||
aghunā bhavabuddhāgraḥ suprasādo mamāntike |
yathā te'nuttarāṃ bodhiṃ prasādāt sādhayāmyaham ||36||
niṣpādyānuttaraṃ bauddhaṃ padaṃ sarvāgrapūjitam |
tatraiva sthāpayiṣyāmi sattvāṃstribhavavarttinaḥ ||37||
deyo'bhiṣeko vidhibhiryathoktaiḥ
śiṣyādhimuktiṃ manasā'vagamya |
udāragambhīranayādhimukto
vācaiva dadyādabhiṣekaratnam ||38||
prāptāśeṣā bhiṣekapravarakuliśabhṛddurlabhātulyasampat-
sambhogakṣetralakṣmīgrahaṇakṛti mahābodhicittābheṣekaḥ |
labdhānujñastrilokī duritaripujayārambhasannaddhabuddhiḥ
bodhāvāropya cittaṃ vipulamiha carennirmalaṃ
tattvayogī ||39||
iti prajñopāyaviniścayasiddhau bodhicittābhiṣekastṛtīyaḥ
paricchedaḥ |
caturthaḥ paricchedaḥ |
athātaḥ kathyate spaṣṭaṃ prajñopāyāgrabhāvanā |
parārthārabdha vīryāṇāṃ sādhakānāṃ hitāya vai ||1||
yāṃ vibhāvya na saṃsāre ghore dustaravāridhau |
nirvāṇe'pi na tiṣṭhanti yoginaḥ svārthamātrake ||2||
yasyāḥ prakarṣaparyantaṃ buddhānāmamalādbhutā |
hānivṛddhivinirmuktā jātā bodhiranuttarā ||3||
pañcaskandhādikān dharmān nātikrāmati yo na ca |
kadācit parigṛhṇāti sarvadharmasamā[tmatām] ||4||
na śrūnyabhāvanāṃ kuryāt nāpi cāśrūnyabhāvanām |
na śrūnyaṃ santyajed yogī na cāśrūnyaṃ parityajet ||5||
aśrūnyaśrūnyayorgrāhe jāyate'nalpakalpanā |
parityāge ca saṅkalpastasmādetad dvayaṃ tyajet ||6||
ubhayagrāhyasantyāgād vimukto vigatāspadaḥ |
ahamityeṣa saṅkalpastasmādetad dvayaṃ tyajet ||7||
nirvikārī nirāsaṅgo niṣkāṅkṣo gatakalpaṣaḥ |
ādyanta kalpanāmukto vyomavad bhāvayed budhaḥ ||8||
na cāpi sattvavaimukhyaṃ karttavyaṃ karuṇāvatā |
sattvo nāmāsti nāstīti na caivaṃ parikalpayet |
niṣprapañcasvarūpatvāt prajñeti parikīrttyate |
cintāmaṇirivāśeṣasattvārthakaraṇaṃ kṛpā ||10||
nirālambapade prajñā nirālambā mahākṛpā |
ekībhūtā dhiyā sārddhaṃ gagane gaganaṃ yathā ||11||
na ya ca bhāvakaḥ kaścit nāpi kācid vibhāvanā |
bhāvanīyaṃ na caivāsti socyate tattvabhāvanā ||12||
na karttā kaścidastyatra bhoktā naivāca vidyate |
karttṛbhoktṛvinirmuktā paramārthavibhāvanā ||13||
na cātra grāhakaḥ kaścit na vā kaścit samarpakaḥ |
na prahāryamataḥ kiñcit grāhyaṃ naivātra vidyate ||14||
paśyatāṃ sarvarūpāṇi śṛṇvatāṃ śabdameva ca |
jalpatāṃ hamatāṃ vāpi prāśnatāṃ vividhān rasām ||15||
kurvatāṃ sarvakarmāṇi anyatra gata cetasām |
ajasraṃ yogināṃ yogo jāyate tattvavedi nām ||16||
etadadvayamityuktaṃ bodhicittaidaṃ param |
vajraṃ śrīvajrasattvaṃ ca sambuddho bodhirea ca ||17||
prajñāpāramitā caiṣā sarvapāramitāmayī |
samatā ceyamevoktā sarvabuddhāgrabhāvanā ||18||
atraia sarvamutpannaṃ jagat sthiracalātmakam |
anantā bodhisattvāśca sambuddhāḥ śrāvakādayaḥ ||19||
tadeva bhāvayed yogī bhāvābhāvaviyogataḥ |
bhāvā bhāvavinirmukto bhāvayan sidhyate laghu ||20||
aśeṣadoṣavidveṣī saṃkleśavimukho dhruvam |
anantāstasya jāyante śrīmantaḥ saugatā guṇāḥ ||21||
analpasaṅkalpatamo'bhibhūtaṃ
prabhañjanonmattataḍiccalaṃ ca |
rāgādidurvāramalāvaliptaṃ
cittaṃ hi saṃsāramuvāca vajrī ||22||
prabhāsvaraṃ kalpanayā vimuktaṃ
prahīṇarāgādimalapralepam |
grāhyaṃ na ca grāhakamagra sattvaṃ
tadeva nirvāṇavaraṃ jagāda ||23||
ataśca nātaḥ paramasti kiñcit
nimittabhūtaṃ bahuduḥkharāśeḥ |
anantasaukhyodayahetubhūtaṃ
mumukṣavo nāsti tataḥ paraṃca ||24||
aśeṣaduḥkhakṣayavaddhakakṣaiḥ
sambuddhasatsaukhyamavāptukāmaiḥ |
cittaṃ sthirīkṛtya vicārya yatnāt
tasya svabhāvaḥ kriyatāṃ svabhāvaḥ ||25||
yāvat kalpatamaḥ paṭena guruṇā ruddhaṃ mano janmināṃ
tāvad duḥkhamanantakaṃ virahitaṃ syāt tena yāvat tataḥ |
tāvat saukhyamudāramapratisamaṃ tātparyamāryairataḥ
kāryaṃ tatkṛtaye svayaṃ suvipulāṃ rakṣyanti tatsaṅgatim ||26||
iti prajñopāyaviniścayasiddhau tattvabhāvanā
nāma caturthaḥ paricchedaḥ |